Nafarroako emakume bertsolarien bertso–sortak eta ahotsak biltzen dituen diskoa da ‘GURE ALDETARA. Nafarroako emakume bertsolariak’izenekoa. Bi helburu nagusi ditu Nafarroako Bertsozale Elkarteak bultzatutako egitasmoak eta 21 emakume bertsolarik sortutako lan honek: batetik, Nafarroako kulturaren ondare diren bertso–sorta idatziei bultzada ematea, jaso eta ikusgarri egitea, eta tradizionalki landutako bertsoen aldaera horrek gaur egun ere lekua baduela ikusaraztea. Eta bestetik, Nafarroako emakume bertsolariei ahotsa ematea, proiektu honen bidez elkarren arteko sarea sendotzea, eta emakumeek bertsolaritzan esateko dutenari bozgorailu bat eskaintzea. Proiektu honek zenbait keinu egiten dizkio Nafarroako lehendabiziko emakume bertsolariari Luzia Goñiri, tituluaz aparte Estitxu Arozenak kantatutako bertso sortak bereak baitira. Proiektuaren inguruan, koordinazio lanetan eta parte-hartzaile lanetan ibilitako Joana Ziganda izan dugu gaurkoan.
Gure Aldetara cd-a Nafarroako Bertsozale elkartean edota Karrikiri euskal dendan duzue eskuragarri.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.