Gaur bertan sinatu du kontratua Bizkarretako gazteak Bilboko enpresarekin. Unai Lasok (1997) Asegarcerekin jokatuko du ondorengo bi urteetan. Debuta ekainaren 18an eginen du Labrit frontoian, Beroizekin batera. Berasaluze II eta Larunbe izanen dituzte aurkari.

Aurrelariak hainbat titulu irabazi ditu: 2016ko GRAVANI binakako sub-22 txapelketa, 2015ko Diario Vasco binakako txapeketa eta 2014-2015ko Espainiako buruz buruko txapelketa ohorezko senior mailan.  Asegarcek azaldu duenez bi eskuekin ederki aritzen da pelotaria. “Eskulari osoa da, ongi aritzen baita hiru modalitatean: bikoteka, buruz burukoan eta lau t’erdian”.