Maiatzaren 21ean zenbait euskaltzalek euskararenganako babesa adieraztera deitu zuten pasa den asteburuan Donostin eginiko agerraldian. Bertan zen Unai Irigarai auriztarra eta jakin izan dugu euskararen aldeko lanketa egiteko Gazte Euskaltzaleen Sarea sortu berri dela. Bihar, apirilaren 8an aurkeztuko da sarea eta guzti honen inguruan solastu gara berarekin. Unai Irigarai Irati irratian
Gaur ere izan dugu gurean Xanti Begiristain euren auzolotsak gurekin partekatuz. Gaurkoan gazte garaian suertatutako erorikoak ekarri dizkigu gogora eta haiek sortarazten zizkioten mina eta lotsa partekatu ditu gurekin. Xanti Begiristain Irati irratian
Amaiurkoa izanik ere irratiraino etorri zaigu Pantxo Etxebere Pottoka bere azken lana aurkezteko. Lau kantuz osatuta eta Sherpa Miguelek lagunduta atera berri du lan hau. Bere ibilbideaz eta musikaz solastu gara gaurkoan eta ratu atsegin bat pasa dugu berarekin elekatzen. Diskoa irratian eskuragarri izanen duzue 10 euroren truke. Pantxo Etxebere Irati irratian
Gaurkoan Mugaz gaindiko lankidetzaz solasten ibili gara. Ezkarozen Nafar Gobernuko Kanpo ekintzetarako zuzendaritzak jardunaldi batzuk antolatu baititu, zeinetan azalduko diren zer nolako aukerak dauden elkarlanean zenbait proiektu bultzatzeko. Honetaz elekatzen aritu gara Peio Pellejero Mugaz gaindiko kooperazioaren arduradunarekin. Peio Pellejero Irati irratian
Gaurko saioa mugitua izan da. Lehendabizi Amaiurretik etorri zaigu Pantxo Etxebere Pottoka bere azken diska aurkeztera zeinetan Auñamendi Road kantua landu duen besteak beste. Gero Xanti Begiristainekin izan gara eta berriz ere solastu zaigu bere auzolotsen inguruan. Ondoren, Unai Irigarai izan dugu Gazte Euskaltzaleen sarea aurkezten. Bukatzeko, Julen Mendizabalek Korrikaren inguruan eginiko kronika paratu dugu. […]
Saioa Korrika kronikarekin hasi dugu Julen Mendizabalek prestatutakoa. Ondoren, Peio Pellejero izan dugu Ezkarozeko Mugaz gaindiko aukeren inguruko jardunaldietaz solasean. Bukatzeko, Asier Blasen Hala Bediko kolaborazioa ekarri dugu. Izenburua: Apirilaren 6ko saioa Iraupena: 2 ordu 30 minutu Klikatu hemen saioa jeisteko
Saioa Aralar irratia bisitatzen hasi dugu Martin Juanenak bere kronika pasa zezan. Ondoren, Julen Mendizabalek egindako Korrikaren inguruko kronika ekarri dugu. Bukatzeko Hala Bedi irratitik hartutako kolaborazioa ekarri dugu, Aitor Bikandik eginikoa, Ekialde Hurbilan dagoen uraren inguruko arazoak lantzen dituena. Izenburua: Apirilaren 5eko saioa Iraupena: 2 ordu 30 minutu Klikatu hemen saioa jeisteko
Gaur Korrika heltzen zen gurera eta horretarako saio berezi bat planteatu dugu. Korrikaren zuzeneko jarraipena egin dugu Jaurrietatik hasita Auritz igaro arte tartean kronika lanetan Arrosa sareko Julen Mendizabal izan dugularik. Tartean ere izan ditugu astelehenero egiten ditugun bisitak Xorroxin eta Euskalerria irratietara, bertan Julen Zelaieta eta Haritz Pascual topatu ditugularik. Izenburua: Apirilaren 4ko saioa […]
Gaurko eguna aprobetxatu dugu Mendixut aldizkaria eskuen artean hartu eta errepaso bat emateko. Errepaso horretan bidelagun hilabetero bezala Rita Labiano izan dugu irratian. Berak ere hurrengo aldizkariko zenbait eduki aurreratu dizkigu. Mendixut Aribeko Carrefourrean, Erburu Okindegian, Xankoi harakindegian eta Auritzeko La Borda aurki dezakezue. Rita Labiano Irati irratian
Osteguna Mendixuten hasi dugu Rita Labianoren laguntzaz martxoko Mendixut aldizkariari errepaso bat emanez. Ondoren, Hala Bedi irratitik hartutako kolaborazio bat hartu dugu, Ekai Centerreko Adrian Zelaiarekin izandakoa geopolitikaz mintzo izan dena. Izenburua: Martxoaren 31ko saioa Iraupena: 2 ordu 30 minutu Klikatu hemen saioa jeisteko