Badator euskara sustatu eta bertako produktuak bultzatzeko kanpaina berria Errigoraren eskutik. Olioa zein kontserbak eskatzeko unea ireki dute eta honetaz elekatzeko AEK-ko kidea den Garazi Iribarrenekin izan gara, eskariak nola burutu eta non jaso ditzazkegun jakiteko. Eros daitezkeen produktuak: Eskariak burutzeko: Errigora AEK-ko Garazi Irati irratian
Gaurkoa hasi dugu ohiko irrati bira egiten. Euskalerria eta Xorroxin irratiak bisitatu ditugu eta bertatik, Mikel Bujandak eta Julen Zelaietak pasa dizkigute euren kronikak. Bukatzeko, AEK-ko kidea den Garazi Iribarrenek Errigorako “Eskutik-Eskura” egitasmoa azaldu digu. Izenburua: Martxoaren 9ko saioa Iraupena: 2:35 ordu Klikatu hemen saioa jaisteko
Marxoaren 8a bueltan da. Beste toki askotan bezalaxe Aezkoan egitarau oparo batekin datorkigu Gure Aizpea elkarteak antolatuta. Horretaz elekatzen Karmele Galartza eta Kristina Saura izan ditugu gaur gurean. Martxoak 7-8rako egitaraua: Gure Aizpeako Karmele Irati irratian Gure Aizpeako Kristina Irati irratian
Igandean izanen da Emakumearen Eguna eta Euskal Herriko hainbat herri zein hirietan Agoitzen ere hainbat ekimen antolatu dituzte egun hau ospatu eta aldarrikatzeko. Guzti honetaz solasteko Marisa Goñi Berdintasun zinegotziarekin egin dugu topo, lehen eskutik jaso dezagun Agoitzen izanen den egitaraua. Martxoak 7-8rako egitaraua: Marisa Goñi Berdintasun zinegotzia Irati irratian
Gaurko saioan Gure Aizpeako kideak diren Cristina Saura eta Karmele Galartza izan ditugu. Aezkoan, martxoaren 8aren karietara antolatutako kontuetaz aritu zaizkigu. Bukatzeko, Agoitz aldera jo dugu eta bertako Berdintasun zinegotzia den Marisa Goñirekin aritu gara martxoaren 8rako hirian antolatu duten ekimenetaz . Izenburua: Martxoaren 5eko saioa Iraupena: 2:40 ordu Klikatu hemen saioa jaisteko
Atzo hasi ziren Pirinioko Plana azaltzeko lan saioak Erronkarin. 30 bat lagunek hartu zuten parte eta saio hauetaz solasteko Erroibarko EHBilduko zinegotzia den Joseba Martinezekin izan gara. Berak azaldu digu bilkura hauen helburua plana bera azaldu eta jendeak dituen ekarpenekin osatzen joatea litzateke. Saioen egitaraua: Joseba Martinez Irati irratian
2020. urte honetako bigarren kolaborazioa izan dugu Jose Ignacio Ubaurekin. Gaurkoan aurreko emendakinekin jarraitu dugu eta oraingoan komunikabide eta pantailetaz aritu gara baita ariketa fisikoaz ere. 2020 osasuntsu bat bizitzeko aholkuak Irati irratian
Gaurko saioa Jose Ignacio Ubauren kolaborazioarekin hasi dugu. Berarekin errepasatu ditugu 2020. urte osasuntsu bat izateko jarraitu behar ditugun irizpideak. Ondoren, Karrape irratira joan gara Unai Zabaletaren kronika bila. Bukatzeko, Erroibarko EHBilduko zinegotzia den Joseba Martinez izan dugu Pirinioko Planaren inguruko lan saioetaz solasten. Izenburua: Martxoaren 4ko saioa Iraupena: 2:35 ordu Klikatu hemen saioa jaisteko
Asteburuan Zaporeak elkarteko bolondresek erasoa jasan zuten ultra-eskuindar talde baten eskutik errefuxiatuei laguntza eskaintzetik itzultzen zirenean. Hori dela eta kontakjtuan jarri gara elkarteko kidea den Mariano Galartzarekin. Berak aipatu digunez ez da eraso isolatu bat, egoera sozio-politikoak hauspotutako ondorioa baizik. Turkia, Grezia eta Europar Batasunaren arteko tira-biren ondorioz hainbat talde hauspotuta dabiltzate eta asteburukoa horren […]
Gaurkoa, Zaporeakeko kidea den Mariano Galarzarekin hasi dugu. Asteburu honetan, Zaporeak ekimeneko hainbat kide erasotuak izan baitira Grezian. Ondoren, Aralar irratira jo dugu Martin Juanenaren kronika bila. Bukatzeko, Elhuyar fundazioko Quark saioa izan dugu musikaren ezaugarri unibertsaletaz solasten. Izenburua: Martxoaren 3ko saioa Iraupena: 2:35 ordu Klikatu hemen saioa jaisteko