Ostiral honetako saioa Berdinen arteko jazarpenaz solasten hasi dugu Pili Miqueorekin. Ondoren, Erronkari joan gara, Burgin lehendabizi Kultur Burgi egitasmoa ezagutzera Ainhoa Elizalderen eskutik eta bigarrenik Juan Pito Bentara Julian Gabasen ahotik Erronkaribarko kronika jasotzera. Izenburua: Apirilaren 30eko saioa Iraupena: 2:35 ordu Klikatu hemen saioa jaisteko
Burgiko herritarrei kolaborazio eskakizun batekin hasi zen Kultur Burgi egitasmoa forma hartzen. Udaletik sortutako iniziatibak hainbat lagunen proposamenak artatu zituen. Hauei forma eman eta programazioa osatu zuten, zeina lehen hitzordua maiatzaren 1ean izanen den Napar Bideak elkartearekin batera antolatutako azoka izanen duen. Hori gutxi balitz arratsaldeko 19etan Ekilibrio dokumentalaren proiekzioa burutuko dute Burgiko udaletxeko aretoan.Honetaz […]
Gaurko saioan Berdinen arteko Jazarpena edo Bullying-a izan dugu mintzagai Pili Miqueo psikologian doktorearekin. Berarekin batera errepasatu ditugu jazarpen mota honen nondik norakoak eta azpimarratu indarkeria mota hau beste guztiak bezalaxe identifikatu, landu eta salatzearen beharra. Honetarako bi tailer antolatu ditu Auñamendi Mankomunitatearekin batera datorren maiatzaren 5a eta 12an. Izen ematea zabalik da hezitzailea@mssaunamendi.org -era […]
Gaur Idoia Zabaltza izan dugu, euskararen inguruko kolaborazioarekin. Gaurkoan Pirinioetako Mikroipuin Lehiaketan irabazle suertatutako lagunen zerrenda. Gaineratu digunez lan ugari jaso izan dituzte eta aurten saritutako guztiak Pirinioetatik kanpokoak izan dira, horrek hausnarketa bat egitera behartu eginen die antolatzaileei datorren edizioari begira. Idoia Zabaltza Irati irratian
Gaur Mari Mar Agos liburuzaina berriz izan dugu gurean. Gaurkoan apirilean eta batez ere liburuaren egunaren harira izandako ekimenen balorazioa egitera etorri zaigu. Marimar liburuzaina Irati irratian
Nafarroaren konkista burutu zenetik 500 urte beteko diren honetan zenbait lagunek batu egin dira Nafarroa Berriz Altxa Soberania es libertad dinamikaren baitan. Manifestua ere plazaratu zuten Iruñeako Ziudadelan, Gaztelako koroak nafarrak kontrolatzeko espreski sortutako gotorlekuan. Hasieratik 73 lagun sinatu dute manifestu hau zeina Nafarroaren izaera errebeldea aldarrikatzen duen. Dinamikak ekainaren 19rako mobilizazio bat iragarri du, […]
Gaurkoa Auzperriko liburutegia bisitatzen hasi dugu Mari Mar Agosen ahotik bertako azken hilabetearen balorazioa jaso dugularik..Ondoren Nafarroa Berriz Altxa dinamika ezagutzen jarraitu dugu bertako bozeramaile den Amagoia Susperregiren partetik. Bukatzeko Idoia Zabaltza izan dugu Mikroipuin lehiaketaren inguruan solasean. Izenburua: Apirilaren 29ko saioa Iraupena: 2:35 ordu Klikatu hemen saioa jaisteko
Gaur Xanti Begiristainekin izan gara berriz ere. Gaurkoan Manexen azken istorioa ekarri digu, Manex eta emantzipazioa du izenburua. Ez du aukera galdu Auritzen grabatutako Tiramillas saioari kritika egiteko. Xanti Begiristain Irati irratian.
Gaurko saioa Altsasu auziaz solasten hasi dugu Auñamendiko Ernaik auzi honen inguruko hitzaldia antolatu baitu. Honen inguruan Unai Irigarai Ernaiko kidearekin mintzatu gara. Ondoren, Leitzara jo dugu Unai Zabaletaren ahotik bertako kronika jasotzeko. Izenburua: Apirilaren 28ko saioa Iraupena: 2:35 ordu Klikatu hemen saioa jaisteko
Altsasuko auzia hizpide izanen dute ostiral honetan Aribeko Aezkoako Etxean. Auñamendiko Ernaik antolatuta Altsasuko auziko auziperatutako Adur Ramirez de Alda izanen dugu bertan hitzaldi-solasaldia ematen. Gazte borroka eta antolakuntzaren garrantzia azpimarratu nahi izanen dute honekin bertako kidea den Unai Irigaraik agertu digun moduan. Hitzaldia arratsaldeko 19:30etan izanen da eta lekua erreserbatzea derrigorrezkoa da 620630562 telefonoan. […]