Pasa den astelehenean sare sozialetan partekatutako argazki bat zela medio jakin izan genuen Erron kokatuta dagoen Amavir Ibañeta Zahar egoitza kinka larrian zela. Bertan 47 egoiliar eta 40 langile biltzen ditu gaur egun erresidentziak eta egoera zailenean daude, Amavir enpresak urtarrila amaieran irten eginen baita Erroko egoitzatik. Orain pilota bertako administrazioen esku geratzen da eta aurrera jarraitzeko borondatea badago ere gaurkoan izan ditugun Bego, Ana, Sonia eta Fabiolak esan digutenez ez dute inolako berririk gaiaren inguruan. Gaia ez bada bideratzen zonaldean berebiziko garrantzia duen zerbitzu bat galduko genukeela gehitu dute.
Bego, Sonia, Fabiola eta Ana Irati Irratian