Larunbata honetan izanen ditugu Oihane eta Haizea Arana, Aner Peritz eta Leire Vargas eRRe emankizunarekin Auritzen taula gainean. Bertsoa bidelagun ertzetatik datozen lau lagun hauek kontraesanetan jarriko dute atentzioa eta umoretik eginen diote kritika kontraesan horiei. Gaur honetaz solasteko eRRe antzezlanean ariko den Leire Vargas izan dugu. Bonuak eskuratzeko edo informazio gehigarria jasotzeko 667 974106 […]
2022. urte honetan 100 urte betetzen dira Orbaitzetako frontoia eraiki zenetik. Mendeurrena ospatzeko larunbatean zenbait ekimen antolatu dituzte Orbaitzetan. Goizean zehar Lohizune Amatriak prestatutako erakusketa bat ipiniko da, mendeurren honek eman duenarekin. Ondoren, frontoia izanik Pilota partiduak ez dira faltako. Honen inguruan, Lohizune Amatriarekin solastu gara gaurkoan.
2019. urtean 3000km egin zituzten bizikletaz Iberiar Penintsulan zehar, agroekologia eta elikadura subirautza proiektuak lotzen. Honen inguruko egunerokoa eraman zuten eta jendearen eskakizunei erantzunez erabaki zuten proiektua liburu bilakatzea. Liburua Biela y Tierra dugu eta proiektuaren laburpen bat da, zeina gaur Jaurrietan aurkeztuko duten Pirimakume emakume sareak gonbidatuta. Honen inguruan Ana Santidrian eta Edurne Caballerorekin […]
Saioa Biela y Tierra egitasmoa aurrera atera zuten Edurne Caballero eta Ana Santidrian izan ditugu, gaur honen inguruko liburua aurkeztuko baitute Jaurrietan. Ondoren, Ander Morazak Hala Bedin eginiko kolaborazioa ekarri dugu, Estatu Batuak eta Armak binomioa lantzen duena. Izenburua: Ekainaren 7ko saioa Iraupena: 2 ordu 30 minutu Klikatu hemen saioa jeisteko
Gaurko lehen geldialdia Xorroxin irratian egin dugu zeinetan Julen Zelaieta izan dugu bertako kronika pasatzen. Bigarrena, Euskalerria irratian egin dugu geldialdia Haritz Pascualek bertatik kronika pasa zezan. Bukatzeko, Gupirinioko Naia Sanchez izan dugu ekintzailetza eta mikro-enpresei zuzendutako diru-laguntzen inguruan solasean. Izenburua: Ekainaren 6ko saioa Iraupena: 2 ordu 30 minutu Klikatu hemen saioa jeisteko
Nafar Gobernuak Pirinioko Planaren baitan diru-laguntza deialdia luzatu du ekintzaile eta mikro-enpresei zuzendurikoa. Osotara 940000 euro inbertituko dituzte diru-laguntzaren bueltan eta honen nondik norakoak azaltzeko bi informazio bilkura eginen dituzte, ekainaren 8an Ariben arratsaldeko 17:30tan eta ekainaren 14an Espartzako Mukurzuria kanpinan goizeko 11 etan. Hau guztiaz solastu gara Naia Sanchez Gupirinioko kidearekin. Informazio gehiago: GUPIRINIOA […]
Ainariak direla edota mugakide diren eremuak izanik historian zehar harreman estua izan dute Maulek eta Erronkariko ibaxa. Harreman hori sendotzeko eta elkarlana sustatzeko Maulek senidetze ekimena jarri zuen abian eta larunbat honetan izenpetu eginen da senidetze ofiziala festa baten bueltan. Honetaz solasteko Burgiko zinegotzia den Ainhoa Elizalde izan dugu gurean.
Ostiral honetan igandeko Amaiurraldia bergogoratzeko Nafarroa Berriz Altxako Joseba Compains lagunarekin izandako elkarrizketa ekarri dugu. Ondoren, Burgi/Erronkari Ibaxa-Maule senidetzeaz solastu gara Burgiko zinegotzia den Ainhoa Elizalderekin. Bukatzeko, Julian Gabas bisitatzera joan gara bertako azken ordua pasa zezan. Izenburua: Ekainaren 3ko saioa Iraupena: 2 ordu 30 minutu
Saio honetan Aimarrendako Txirrinda bat elkartasun kanpaina ezagutu dugu Ricardo Galanen eskutik. Ondoren, Xanti Begiristainen auzolotsekin jarraitu dugu, gaurkoa Ezbeharra zuela izenburutzat. Izenburua: Ekainaren 2ko saioa Iraupena: 2 ordu 30 minutu Klikatu hemen saioa jeisteko
Gaur Xanti Begiristainen txanda izan da eta berriz ere Auzolotsez mintzo behar izan da. Gaurkoan Ezbeharra izenburudun auzolotsa ekarri digu. Entzun!