Euskal Herri osotik etorritako 800 bat kantuzale izena emana dute Tafallan igandean ospatuko den Euskal Herria Kantuz egunerako. Goizean goizetik indarrak hartu, ahotsak leundu eta ekinen diote kantuari. 2014. urtetik ospatzen da egun hauxe eta aurten Tafallari egokitu zaio. Kantuaz aparte, zita aprobetxatu eginen dute Fermin Balentzia abeslariari merezitako omenaldia egiteko, kantuari eta batez ere oroimen historikoari eginiko ekarpenagatik. Hau aitzakitzat hartuta antolaketa lanetan dabilen Juan Luis Aranbururekin egoteko parada hartu dugu eta berak azaldu digu egunean zehar izanen diren ekimen desberdinak.

Juan Luis Aranburu Irati Irratian