Larunbatean ez ezik astean zehar , aste kulturalaren baitan zenbait ekimen antolatu dituzte ere Urruxkide Eguna berotzeko. Ekimen horiek Aitor Aranaren bi libururen (Zaraitzuera ikasliburua eta Dorian Grayren erretratua zaraitzueraz) aurkezpena izanen da asteazken honetan Orontzeko plazan. Ostiralean aldiz Nahia Hualde ezkaroztarra izanen dugu Cabala diska aurkezten. Hala ere, egun handia larunbata izanen da egun osoko egitaraua antolatu baitute Urruxkide egunaren baitan. Aurtengo Aiert Otsoa saria Zaraitzura bizitzera etorritako lagunei eskainiko zaie gainera. Guzti honetaz solastu gara antolaketan dabilen Xabier Diaz Esarterekin, zeina bertso baten bitartez bertaratzera animatu gaituen.
Xabier Diaz Esarte Irati Irratian:
