Oroz Beteluko Udalak Zaldu jatetxea errentan hartzeko eskakizunak aurkezteko epea zabaldu du. Eskaerak aurkezteko epea 2016ko apirilaren 1ean, 12:00etan, bukatuko da. Jatetxea errentan emateko iragarkia Nafarroako Gobernuko Kontratazio Atarian argitaratu da. Eta espedientea interesatuen eskura dago Oroz Beteluko udaletxean (948 76 40 20).
Eskuin muturreko taldeek eta poliziek eragindako indarkeriaren biktimen legearen aurka jo zuen Madrilek, abenduan, legea Auzitegi Konstituzionarera eramatea erabakiz. Espainiako Gobernuaren ustez, «justizia paralelo moduko bat» sortzeko egin dute Nafarroako legea. Polizia indarkeriaren biktimen senideek aitzakia dela deritzote, eta hala azaldu dute gaur Katakraken egindako agerraldian. Nafarroako Gobernuari, gainera, egia, justizia eta aitortza aldarrikatzen segitzeko […]
Kalte larriak eragin ditu Mezkiritzeko etxe batean goizaldean piztutako sute batek. Herri sarreran dago etxea, eta ez da zauriturik suertatu. Tximinian sortu da sutea, eta suhiltzaileak iritsi orduko, lehenengo solairua eta teilatua ere sutan ziren. Sutea kontrolpean dute.
Hipotermiak jotako lagun bat eta erreka batean eroritako beste bat erreskatatu dituzte bart Ibañetan. Hipotermiak jotako lagunarentzat laguntza eskatzera joan zen amildu zenean, eta gaur Osasunbidean ospitaleratu dute. Goizaldean Nafarroako larrialdi zerbitzuek hori eta bere laguna erreskatatu behar izan zituzten. Brasildarrak dira, gizon bat eta emakume bat, eta Donejakue bidea egiten ari zirela Ibañeta inguruan […]
Bisita ederra izan dugu gaur irratian. Garraldako eskolako DBHko 4. mailako ikasleak etorri zaizkigu. Azken hilabeteetan prestatutako saio bikaina eskaini digute. Entzun, entzun… [Audio clip: view full post to listen] Klikatu hemen saioa jaisteko
Erroibarko udalak Sorogaingo aterpea errentan hartzeko eskakizunak aurkezteko epea zabaldu du. Eskaerak aurkezteko epea 2016ko martxoaren 21ean, 14:00etan, bukatuko da. Lau urterako alokatuko du udalak taberna-jatetxea eta aterpea dituen eraikina, eta horretarako baldintzak lausotu ditu. Kontratatzerako garaian hostalaritza lanetan esperientzia izatea, hizkuntzak ezagutzea eta proiektuaren garapena lehenetsiko dira, diru kontuen gainetik. Lokala errentan hartzen duenak, […]
Ikasle gutxi gehituko dira hurrengo ikasturtean Irati irratiaren uhinek hartzen duten eskualdean. Iazko datuekin alderatuz, behera egin du kopuruak. 2016-2017 ikasturterako matrikulazio eskaerak 0 AURIZBERRI Ikastetxe Publikoa 2 GARRALDA Orreagako Ama Ikastetxe Publikoa 2 LUZAIDE Luzaideko eskola publikoa 3 ERRO Erroko eskola 4 AURITZ Auritzeko eskola 22 (D) + 1 (A) AGOITZ San Miguel Ikastetxea
Izotzarekin irrist egin eta buruan kolpea hartu du gizonak, goizeko bederatziak inguruan, Foruzaingoak jakinarazi duenez. Herriko mediku zerbitzua, anbulantzia bat eskatu eta, emaitzik gabe, gertakarien lekura gerturatu da erreanimazio lanak egiteko. Gorpua altxatu ostean, Lege Medikuntzako Institutura eraman dute autopsia egiteko.
Intxaurrondo. La sombra del nogal liburuaren idazle Ion Arretxe gonbidatu dugu gaurkoan saiora. Mikel Zabalza atxilotu eta torturatu zuten egun berean atxilotu eta torturatu zuten Arretxe ere, 21 urte zituela. Bizipen latz horiek kontatzeko tonua aurkitu du orain: [Audio clip: view full post to listen] Klikatu hemen elkarrizketa jaisteko
Gerardo Huarteren Cruce de caminos. Nagore (Arce) bigarren liburua ezagutzeko aukera izan dugu Irati Irratian. Estudioan izan dugu idazlea Nagore, Artzibar eta inguruko ibarren historia eta istorioak kontatzen: [Audio clip: view full post to listen] Klikatu hemen elkarrizketa jaisteko