Kebenko Uskara elkarteak lan itzela egin du azkenaldian kantutegi propio bat editatzeko. Erronkarirako pentsatuta zuten hori aldiz pirinio osorako proiektu izatera zabaldu dute eta horren koordinatzailea den Koldo Viñualesekin izan gara kantutegiaz solasten. Abestien artean ibarra bakoitzetik 6na kanta sartu dituzte kantutegian. Laister izanen da eskuragarri zenbait tokitan. Koldo Viñuales Irati irratian
Gaua heldu orduko izanen da. 20 pertsona gehienez parte hartu dezakete ekintza honetan eta honen inguruan Arantza Arregirekin solastu gara. Berak azaldu digu zer da “Soy Planetario” erakundea eta nolatan antolatzen dituzten izar behaketak. Zeru izartsuari errepaso azkar bat emateko aukera ez dugu galdu. Ekintzan parte-hartzeko erreserbatu behar da lekua 609981345/ 666524001 (Arantza/Sonia) telefonoetara deituta. […]
Otsagabiara joateko beharrean ikusi gara beste behin ere, heldu baitzitzaigun Natur Interpretazio Zentroak aurrera eramandako aktibitateak. Aktibita hauen inguruan solasteko Patricia Alberdirekin izan gara, beraren laguntzaz egutegiari errepaso bat eman diogu. Patricia Alberdi Irati irratian
Gaurkoa izarrei begira jarri gara Arantza Arregiren laguntzaz, bera eta Sonia Ortizek(Soy Planetario enpresako kideak) ostirala honetarako izar behaketa bat antolatu baitute Muskildako baselizan. Ondoren, Kebenko Uskara elkarteko Koldo Viñuales izan dugu, beraiek prestatutako kantutegi baten inguruan solasteko. Izenburua: Abuztuaren 19ko saioa Iraupena: 2:35 ordu Klikatu hemen saioa jaisteko
Gaurko saioa Aralar irratia bisitatzen hasi dugu. Bertan ordea ez dugu Martin topatu baizik eta Ibon eta Sugoik eratutako bikoa. Eurek pasa digute Larraun-Lekunberriko kronika. Ondoren Otsagiko Natur interpretazio Zentroko Patricia Alberdi izan dugu bertako ekintzak azaltzen. Izenburua: Abuztuaren 18ko saioa Iraupena: 2:35 ordu Klikatu hemen saioa jaisteko
Oporretatik bueltan gara! Galbana gainetik kendu eta jarri gara martxan! Gaurkoa Naiz irratiak egindako elkarrizketa batekin hasi dugu, Fatimetu Zenan saharar aktibistari. Bukatzeko goiza alaitu dugu Pirinio Kantuzek helarazi zigun bigarren zerrenda berreskuratuz. Izenburua: Abuztuaren 17ko saioa Iraupena: 2:50 ordu Klikatu hemen saioa jaisteko
Irati Orreagaren baitan dabiltzan ostatu eta negozioak berriz ere abiatu dute udako argazki lehiaketa. Bertan parte hartzeko argazkia atera eta sare sozialetatik partekatu #IratiOrreagaClick etiketa erabilita. Oinarriak: http://www.turismoselvadeirati.com
Berriz ere izan gara Agotzenea Eko-hezkuntza gunea bisitatzen. Oraingoan bio-eraikuntza ikastaro berri batekin datoz abuztuaren 24tik 28ra. Ikastaro honen inguruan solasteko Urtzi Arrietarekin izan gara. Urtzi Arrieta Irati irratian
Gaurkoan Iparraldera jo dugu. Deialdia luzatu dute “eta bakantzak euskotan pasatzen badituzu?”. Euskoa eta dinamika orokorra ezagutzeko Maika Thicoipe izan dugu gurean. Euskoa tokiko moneta tokiko eta gertuko zerbitzuak eta tokiko izaera ere suspertzeko baliatzen duten tresna da. Informazio gehiago: Euskal Moneta Maika Thicoipe Irati irratian
Gaurko saioa Julian Gabas gure laguna bisitatzenhasi dugu, Erronkariko azken berriak pasa zitzan. Ondoren Iparraldera jo dugu, Maika Thicoiperen bitartez Bakantzak Euskotan egitasmoa gertutik ezagutzeko. Buelta Esteribarren amaitu dugu, Agotzenea Eko-hezkuntza gunean zeinetatik Urtzi Arrieta aritu zaigun Bio-eraikuntza ikastaro berriaz. Izenburua: Uztailaren 31ko saioa Iraupena: 2:35 ordu Klikatu hemen saioa jaisteko