Ekimen ugari antolatu ohi dituzte Otsagabiako Natur Interpretazio Zentrokoek urtean zehar, baina bereziki udaran ere. Aurten kaleratu berri dute euren programazioa. Irati bere osotasunean programaren baitan 5 irteera antolatu dituzte. Bestalde aprobetxatuz Ainize Sala fitoterapeuta Otsagabian pasa ohi duela uda 3 egunetako sendabelar tailerra antolatu dute berarekin. Programazioaren aitzakipean batu gara haiekin eta gurean izan da Patri Alberdi programaren berri ematen.

Hori ez ezik, udan zehar bertako artisau eta ekoizle azokak ere antolatu dituzte astearteetan 18:30etatik 21.00tara Iratialdea elkartearekin elkarlanean:
– Uztailak 28 Espartza
– Abuztuak 4 Uskartze
– Abuztuak 11 Orontze
– Abuztuak 18 Itzalle

Informazio gehiago eta izen emateak : oit.ochagavia@navarra.es / 948890641

Patri Alberdi Irati Irratian