Gaurkoa azken Galuzerrita saioa izan da eta pena handiz esaten dugu zeren sekulako lana egin dute gure lagunak Garraldako eskola eta institutuko berriak ekartzen. Esker ona ematea besterik ez zaigu geratzen eta esatea irratiko uhinak irekiak izanen dituztela beti. Azken saio honetan Otsagabia eta Abaurregainako topaketen inguruan solastu zaizkigu, baita Garraldan izandako azken ekimenak ere. […]
Auzolotsak ez dute etenik eta gaurkoan 56. heldu gara Xanti Begiristain Madotzen eskutik. Gaurko kontakizunean Iruñeko zinegotzi zela Yamaguchi hirira eginiko bidaia eta bertan suertaturikoak ekarri dizkigu gogora. Xanti Begiristain Irati Irratian:
Udaberri fresko eta euritsua egokitu zaigu aurtengoa, halere garaiko eguraldi normaltzat har genezake David de Andresek argudiatu bezala. Errepasoa eman diogu udaberriak eman duenari eta horren ondotik asteburuko eguraldiaren berri eman digu. David de Andres Irati irratian
Itzuli da Xanti Begiristain bere auzolotsekin. Gaurkoan zinegotzi garaian Yolanda Barcinarekin izandako solasaldia ekarri du gogora maletan daraman makila dela eta. Xanti Begiristain Irati Irratian:
Udaberri hau aldakortzat har genezake, azken aldian ekaitzek eta fronteek nagusitasuna hartu dutelarik. Ez hori bakarrik aurten inkluso aurora borealak ikusteko aukera izan dugu Eguzkian ekaitz potente bat suertatu baitzen. Hau guztia David de Andresekin landu dugu baita berarengandik aste bukaere honetarako iragarpena jaso ere. David de Andres Irati irratian
Maiatzaren hasiera euritsu eta hotz honi errepasoa ematen hasi gara David de Andres meteorologian adituarekin. Honen ondoren aste bukaera honetan izanen dugun eguraldiaren iragarpena eman digu. David de Andres Irati irratian
Berlinetik bueltatu berri topatu ditugu Garraldako ikasleak eta beren ikasbidaiaz solastu zaizkigu baita asteburuan izandako Xeieskolaren inguruan ere. Horren ondotik datorren asteko topaketak eta zenbait berritasun izan ditugu mintzagai. Afrika, Amaiur, Izargi, Oihan eta Zuleima Irati Irratian:
Apirila prezipitazio gutxikoa izan arren freskotasuna dario. Aste honetan neguan izan beharko genituen tenperaturak eta eguraldia izan dugu gurean eta hori bera landu dugu David de Andres lagunarekin. Horren ostean astebururako eguraldia eman digu. David de Andres Irati irratian
Aste honetan bildu da azkenengo aldiz ikasturte honetan irakurle taldea Irene Solaren Nik kantatu eta dantza egiten du mendiak liburuaz solasteko. Askari ederra egin zuten Mari Mar Agosek kontatu digunagatik eta horren ondoren liburuaren egunaz jarraitu dugu solasean, zeina egun honen omenez lehiaketa bat abiarazi duen. Bukatzeko iaz hasitako baratzaz solastu zaigu aurten hobeto koordinatu […]
Auzolotsen segida jarraituz gaur Enrique Maya alkateari egokitu zaio protagonista izatea eta Xanti Begiristainekin Baluarteko oztopo arkitektonikoen harira izandako hartu emana izan da solasgaia . Xanti Begiristain Irati Irratian: