Asteburu honetan Enaren bideak gogora ekarriko dituzte Erronkarin. Guk Kurruskla elkarteko Fernando Hualde izan dugu irratian. Zuberoara joaten ziren neska gazte haiek gogoan hartu eta ekitaldi sorta antolatu dute urriaren 26 eta 27rako. Modu berean igandean Sakanatik korrika abiatutako Aritz Ganboa artzaia ere heltzekoa izango da Izabara. Ongi etorria egin eta herri bazkari ederra eginen […]
Federico Garralda gogoratu eta omenduko dute larunbatean Otxagabian. Zaraitzun euskarak izan duen presentzia, euskal literatura Nafarroan eta Zaraitzuko etxe izenak jorratuko dira bertzeak bertze. Irati irratian Iñaki Camino hizkuntzalariarengana jo dugu, eta zaraitzuera euskararen historian kokatu digu, eta inguruko ibarretako hizkerarekin dituen antzekotasunak eta ezberdintasunak aletu ditugu irratian. Iñaki Camino Irati irratian
Urriaren 26an aterako da korrika Arruatzutik, bere herritik. 170 km eginen ditu eskualdez eskualde, mendirik mendi. Urriaren 27 goizean Erroibarretik, Aezkoa, Zaraitzu eta Erronkarin zehar Izabara heltzea du helburu. Irati irratian mintzatu gara Ariz Ganboa artzain eta korrikalariarekin.
Bakartxo Ruiz EH Bilduko parlamentaria izan dugu gaur Irati irratian. Pirinioko ponentzia berreskuratzea lortu du EH Bilduko Nafarroako parlamentuan eta hemendik aurrerako urratsei buruz aritu da gurean. Horrez gain euskararen gaineko sententziak, Skolae edota Altsasuko gazteen auziaz ere aritu da Bakartxo Egunon Auñamendi! saioan. Azkenik urriaren 12an Bagoaz! lemapean Iruñean eginen den manifestazioa eta ekitaldi […]
Ostiral honetarako, urriaren ak, Pirinioan Bizirik gaude, Pirinioan Lan eta Bizi eta Txantxalan kolektiboek bat egingo dute despopulazioaren kontrako egunarekin, eguerdiko 12:00etan 5 minutuko geldialdia egiten eta kontzentrazioak burutuz lan eta hezkuntza guneetan. Mikel Aoiz Otsagiko bizilaguna mintzatu da Irati irratian egoerari buruz.
Gure lurraldea antolatzeko orduan, funtsezkoa da jendearen iritzia jasotzea. Datozen egunetan Agoitzen, Auritzen eta Erronkarin egingo diren solasaldi partehartzaileetan horretarako aukera egongo da. Karekin kultura-ko Kati Leatxek azaldu digunez, hainbat jendek parte hartu du orain arte, eta batzar hauetan horretaz solasteko aukera egongo da. Kati Leatxerekin -Karekin kultura- elkarrizketa.
Iratiko basoari buruzko ikergaia landuko du datozen egunetan Inglaterratik Euskal Herrira etorritak Geografia eta Antropologia ikasle eta ikerlaria. Irati irratian bisitan izan dugu eta euskara eta euskalki ezberdinak nola ikasi dituen jakiteko baliatu dugu. Euskaldun berria da, eta Euskal Herria iparretik hegoaldera ezagutzeko parada izan du Euskarabentura ekimen ibiltarian ere. Dylan Inglis Irati irratian
Urruxkide egunari buruzko xehetasunak eta bitxikeriak kontatu dizkigu urteetan antolatzaile lanetan ari den Xabier Diaz Esartek. Larunbatean ospatuko dute Ibiltzietan eta egitarau aberatsa prestatu dute. Izaba aldetik berriz Julian Gabas izan da gurean, Izabako jaien berri eman eta hartzaren inguruan ere mintzatu gara. Ortziraleko saioak hau guztia eman du, espero dezagun asteburuak askoz gehiago eskaintzea […]