Gaur Xanti Begiristainekin izan gara berriz ere. Gaurkoan auzolotsak alde batera utzita azken bi asteetan suertatutako bi kontuekin etorri zaigu. Alde batetik, Pirinioetako Emakumeen topaketetan euskarak izandako presentzia eskasa kritikatu du eta bestetik Orreagako oztopo arkitektonikoen inguruko gogoeta ekarri digu gurera. Xanti Begiristain Irati irratian.
Hainbat ikertzaile profesional eta afizionatuen elkarlanetik sortutako etnografiaren inguruko aldizkari berria dugu gure pantailetan eskuragarri. Ikertzaile horien artean Bidankozarteko Gotzon Perez Artuch dugu eta berarekin batera joan gara Etnolan aldizkaria ezagutzera. Aldizkaria helbide honetan duzue eskuragarri: ETNOLAN ALDIZKARIA Gotzon Perez Artuch Irati irratian
Natura eta gizartearen erlazioa arduratuta batzen hasi ziren lagun talde bat Baztan aldean. Horrek zenbait hitzaldi eta tailer ateratzea eragin zuen. Halako batean formakuntza saio beteago bat egitea bururatu zitzaien eta baita egin ere. Mundu mailako egoeraz jabetuta Euskal Herrian dauden hainbat egitasmo ezagututa zer nolako bidea har liteke eztabaidatu eta ekiteko asmoz. Formakuntza saio […]
Pirimakume sareak antolatu ditu larunbat honetarako Pirinioko Emakume topaketak. Hauen baitan Elikadura subirautza eta parte-hartzea izanen dituzte hizpide. Bi gai hauek landuko dituzten emakumeak izan ditugu gaur gurean, Gotzone Sestorain nekazaria eta Mauge Cañada dinamizatzailea. Amesten dugun Pirinioa irudikatzen jarraituko dute! Gotzone Sestorain Irati irratian Mauge Cañada Irati irratian
Iazkoan ezin ziren aurrera eraman baina aurten bai. Berriz ere elkartuko dira Nafar Pirinioetako bailara desberdinetatik etorritako emakumeak Auritzen. Egun osoko egitaraua prestatu dute eta etorkizuneko Pirinioa irudikatzen eta elikatzen jarraitzeko hautua berretsi eginen dute. Honen inguruan solasteko Pirimakume emakumeen sareko Cristina Saura lagunarekin izan gara gaurkoan. Cristina Saura Irati irratian
Hilabetero heltzen da gugana Nafar Piriniotako aldizkaria den Mendixut. Bertako berriak, bertatik idatziak eta Pirinioaren bozgorailu idatzia izan nahi duen aldizkaria dugu eta baita lortu ere. Ekaineko alea eskuartean hartuta Rita Labiano lagunarekin batera aldizkariak dakarrena errepasatu dugu. Aldizkaria harpidedunek jada etxean edukiko dute bestela Auñamendi eskualdean Auzperriko Erburu okindegian, Bizkarretako Dendatxoan , Auritzeko La […]
Gaur Xanti Begiristainekin izan gara berriz ere. Duela bi aste telefonoan izandako matxurak ez gintuen berarekin egotea ahalbidetu horregatik gaurkoan 2 auzolotsa baten prezioan ekarri dizkigu. Errukia eta Beheraguneak goiburutzat duten bi kontakizun dira oraingoan. Xanti Begiristain Irati irratian.
Arkeologia hizpide izan dugu gaurko saioan, Aranzadi Zientzia elkarteak 2021eko Indusketa kanpaina abiarazi baitu eta zonaldean bi indusketa gune izanen baititugu. Zalduako parajeko eta Artziko baseliza inguruko indusketa lanetan zuzendari bezala ibiliko da Oihane Mendizabal eta berarekin hitz egiteko aukera ez dugu galdu. Halere ez da gonbidatu bakarra izan, Zalduako indusketetan parte hartutako Eder Martinez […]
Aldaketa Klimatikoa hizpide hartuta hainbat ekintza antolatu ditu Otsagabiako Natur Interpretazio Zentroak. Berebiziko garrantzia eman diote honen inguruan zonaldeko haur eta gazteak hezterakoan eta horretarako hainbat jardunaldi, irteera eta tailer antolatu dituzte. Hau guztiaren inguruan solasteko Patricia Alberdi lagunarekin izan gara gaurkoan. Patricia Alberdi Irati irratian
Aezkoa Kirol Elkartearen berpizkundeari begira bertako kideek Aezkoako biztanlegoaren artean galdetegi bat barreiatu dute bertan dauden kirol nahiak eta gabeziak ikusteko eta hauei erantzuna emateko. Honen inguruan bertako kidea den Ainara Arcelusekin izan gara gaurkoan. Berak aipatu digunez nabaria da konfinamendu ostean jendeak kirola egitearen hautua hartu dutela eta hau aprobetxatu behar dela jendea elkartu […]