Asteburua oro har lasaia izan den arren bada zer komentatu David de Andres lagunarekin eguraldiari dagokionez. Honen ostean beti bezala aste hasiera honetarako iragarpena eman digu. Iragarpena: Astelehena (Uztailak 31): Egun argitsua izanen da goi hodei batzuekin. Haizea aldakor izanen da goizean eta ipar haizea izanen da nagusi arratsaldean eta argitasunak tenperaturaren igoera nabarmena ekarriko […]
Covidak etenaldia ekarri bazuen ere euren proiektuarekin jarraitzeko hautua hartu zuten Neskak Festibaleko elkarteko lagunek. Aurten La Perra Blanco (Kadiz) eta Brava (Madril) taldeak izanen dira taula gainean euren emanaldiak eskaintzen. Hasierako jaialdiekin alderatuta xumeagoa bada ere kalitatezko eskaintza dakar aurtengo edizioak, hala adierazi digu Neskak festibaleko Sergio Garatek. Sergio Garate Irati Irratian:
Ostiralean helarazi zuten prentsa oharra Pirinioko mahaiak. Nafar Parlamentuari eskakizun berezia egiten zioten, Pirinioaren eta oro har despopulazio arriskuan dauden eremuekiko neurri bereziak mantendu ditzan. Hau aitzakitzat hartuta, Pirinioko Mahaiko lehendakaria den Mabel Cañadarekin izan gara honen inguruan solasean. Mabel Cañada Irati Irratian:
Garai batean ohikoak ziren gure herrietan bertako ekoizle eta artisauek elikatzen zituzten azokak. Pixkanaka-pixkanaka ohitura hori galtzen joan da baina agorrila honetan honi buelta ematearren Bortuetako Ekoizle eta Artisauek azoka bira bat antolatu dute, Iratialdea eta Irati Orreaga elkarteek lagunduta. Honen inguruan solastu gara bertako ekoizlea den Aitor Zazperekin. Aitor Zazpe Irati Irratian:
Proiektu Estrategikoetako Zuzendaritza Nagusiaren eta Abaurregainako udalaren hitzarmenaren sinatzeak 314.000 euro bideratuko ditu Abaurregainako patata biltegia enpresen haztegia izateko. Proiektu Estrategikoen Zuzendaritza nagusiko buru den Ruben Goñik eta Abaurregainako alkate den Patxi Encajek etorkizunari ateak ireki ahal dion hitzarmena sinatu dute, zeina Nafar Gobernuak 314.000 euro bideratuko dituen Abaurregainako patata biltegian birgaitze lanak egin daitezen […]
Gaur helarazitako prentsa oharrean Pirinioko Mahaiak Nafar Parlamentuko alderdiei gogoratu die garaian Pirinioarekiko aho batez lortutako konpromisoa eta beraien arteko negoziazio saioetan “Pirinioetarako 5 minutu” eskakizuna ez dadin trukagarria izan. Burututako bilkuran ere eskatu diote Nafarroako Gobernuari ahalik eta lasterren eratu dezan euren organigrama eta parlamentuan berezko batzordea sortzea ahal bezain pronto lanean hasteko, despopulazioaren […]
Agoitzen eta Pirinioan holan suertatu da, Euskal Herria Bildu koalizioak lortu zituen bozka gehien (1258 eta bozken %36,73) pasa den igandeko hauteskunde orokorretan. Herri edo hautes-barruti guztietan suertatu zen garaile, Orreaga (PP-UPN), Sartze(PSOE) eta Garde(PSOE) izan ezik. Parte-hartzeari dagokionez, hauteskunde hauetan Pirinioetan deituta ziren 4 pertsonatik 3k eman zuten euren botoa, hots, %75ak hartu zuen […]
Aezkoako Kultur Elkarteak antolatzen duen Aezkoako Eguna Arian izanen da aurten. Honen beroketa moduan hartu izan da Aezkoako Txikien Eguna, ibarreko haurrei begirako eguna ospatzen baita udan eta aurtengoa bihar izanen da arratsaldeko 17etatik aurrera. Honen aitzakipean antolaketan dabilen Leire Arreserekin apur bat elekatzeko baliatu dugu aukera eta berak maisuki azaldu digu zer topatuko dugun […]
Zinegotzi lanetan jarduten zeneko garaia ekarri digu Xanti Begiristainek gogora gaurkoan. Garai haietan auto ofizialen gehiegikerizko erabilera zen nagusi eta horren aurrean izandako iritzia helarazi digu. Entzun!
Urtebete darama Estitxu Larreak Estitxu Larrea Design diseinu estudioa ireki zuenetik. Urtebete gauza anitzetan lanean, lanik ez zaio falta izan ezta kreatibotasuna ere. Aurten aurkeztu du bere burua lehen aldiz Agoitzeko jaietako kartel lehiaketara eta baita irabazi ere, Agoitzen berezkoa den aniztasuna barnebiltzen duen kartela egin baitu “Mixtura” izenburupean. Hau aitzakitzat hartuta berarekin egoteko parada […]