Pandemia honek agerian utzi ditu kapitalismoaren ahuleziak eta honen krudelkeria batez ere langileek pairatu dute. Horren harira, zenbait tokitan lan gatazkak piztu dira, horietako bat MTorres enpresakoa delarik. Honen inguruan bertan 33 urte lanean daramatzan eta ELA sindikatuko delegatua den Pedro Reyrekin solastu gara. 88 langile kaleratu nahi dituztela eta horrek sortarazten duen ezinegona nabarmendu […]
Potente dator Martxoaren 8a eta honen inguruan Pirimakumeko Cristina Saura eta Itziar Senberoizekin solastu gara. Pandemiak egoera okertu du sistema heteropatriarkal kapitalistaren mesedetan eta hori aldatzeko asmoz zenbait ekimen antolatu dituzte Pirimakumeko sarearen baitan dabiltzan emakume zein emakume taldeak. Astelehenean morez jantzi ditzagun gure herrietako kaleak! . Cristina eta Itziar Irati irratian
Gaur Nafarroako Torturatuen Sareko kide den Jorge Txokarro “Txibi” jaurrietarra izan dugu gurean. Larunbat honetan Baluartetik irtengo den manifestazioa dela eta izan gara berarekin baina ez hori bakarrik bere tortura testigantza jaso dugu gurean, oraindik ere pairatzen baititu torturen ondorena. Jorge Txokarro Irati irratian
Lana behingoz zinemetan dugu eta a zer arrakastarekin. Gaur Non Dago Mikel dokumentalaz eta bere estreinaldiaren ingurukoak landu ditugu Miguel Angel Llamas Piturekin. Berak askotan esan du, bera torturatu zutenen kontrako mendeku txikia dela lan hau aurrera atera izana. Non dago Mikel dokumentala hemen ikusgai izanen duzue. Pitu Irati irratian
Abenduan joan gintzaizkion bisitan eta berarekin batera ezagutu genuen Iratiko Amonaren gorpuzkiak. Bera, Nafarroako Museoko kidea den Olaia Nagore dugu eta berak azaldu digu Epipaleolitikoan nolakoa zen bizitza eta ze aurkikuntza izan diren garai hartakoak. Iratiko Amona: Olaia Nagore Irati irratian
Astelehenean Publico egunkarian argitaratutako audioek lehen lerrora ekarri dute Mikel Zabalzaren auzia. Aste intentsoa izan dute euren senideek horri gehituta Non Dago Mikel gaur estreinatzen dela zinema aretoetan. Guzti honetaz solasten Idoia Zabaltzarekin izan gara. Berak aipatu digu orain egiaren jabe izanik justiziari dagokiola bide egitea. Non dago Mikel dokumentala hemen ikusgai izanen duzue. Mikel […]
Bere kolaborazioarekin jarraitu du gaurkoan Xanti Begiristainek. Gaurkoan Manex gixajoaren 56. istorioa ekarri digu, Manex eta odola izenburua duena. Gaurkoan suizidioaren gaia lantzen du istorioak latza bezain ederra. Xanti Begiristain Irati irratian.
Larunbatean aurkeztuko du jendaurrean Adur Larrearekin batera Burgosko auziaren inguruko “Iraultza eta Bizi” komiki liburua Auritzen. Hori aprobetxatuz, Mikel Antza lagunarekin egoteko parada atera dugu zeozer aurreratu zezan. Aurkezpenerako leku mugatuak direnez 667 974 106 telefonoan egin behar da erreserba. Mikel Antza Irati irratian
Igande honetan eman ziren Kataluniako hauteskundeak. PSCk lortu zuen botoetan irabaztea baina alderdi independentisten batasunak nabarmenki irabazi zituen hauteskundeak. ERC izan zen bigarrena eta Junts Per Catalunya hirugarrena. Hauteskunde eta honen ostekoa ere Abaurrepeako bizilagun izandako Joan Tornés lagunarekin landu dugu. Joan Tornés Irati irratian
Jarraitu dugu gaurkoan gure lanarekin, ezagutu nahi izan dugu Aizpeako kobazulo eta inguruak nolakoak diren eta zein aproposago Aezkoako txoko guztiak bai lurrazalekoak eta baita lur-azpikoak ezgautzen dituen Christian Pau baino. Berak azaldu digu kobazuloa nolakoa den eta azpimarratu digu zein garrantzitsua den gure ondarea ezagutzea, ondareari dagokionez aezkoa oso aberatsa dela ziurtatu digu. Christian […]