Administrazio desberdinen ekarpenei erantzuteko antolatu dituzte lehen sektorea balorean jartzeko coaching ikastaroak. Ibarra desberdinetan eginen dituzte formakuntzak eta horren inguruan solasten Cederna Garalurreko Nahikari Uriarte izan dugu gurean. Kartela: Nahikari Cederna Irati irratian
Pixkanaka pixkanaka dabil martxa hartzen Auzperriko Liburutegia. Hainbat ekintza burutu ahal izan ditu eta asteartean Irakurle taldea batu zen berriz ere Maddi Ane Txoperenaren Ene Baitan Bizi da eleberriaren inguruan solasteko. Hau guztiaz Mari Mar Agosekin hitz egin dugu. Nahiko lanpetuta ibili da Mari Mar Liburutegi Mugikorren kongresua koordinatzen eta hain da langilea jakin izan […]
Iraileko geldialdia eta gero berriz itzuli da Mendixut gure etxe eta kioskoetara. Hilabetero dator eta aprobetxatzen dugu irratian lekutxo bat egiteko eta Rita Labianorekin ratu eder bat pasatzeko.Aldizkaria eskuratu nahi izanez gero, Auzperriko Erburun, Auritzeko Bordan, Aribeko Karrefourren izanen duzue aukera. Rita Labiano Irati irratian
Iazkoan jarri zuten berriz martxan Mintzakide egitasmoa AEK-ko lagunek. Honen Pirinioko koordinatzailea dugu Niko eta berarekin solastu gara honen inguruan. Iazkoari balorazio bat egiteko ere aprobetxatu dugu eta oso iniziatiba polita izan zela gaineratu digu. Aste bukaeran bilerak eginen dituzte Ariben eta Agoitzen jendea animatzeko eta bertan parte hartzeko. AEK-ko Niko Irati irratian
Artista handia da Irkus Robles, hori ez da berria. Beti da plazerra gurekin izatea eta gaurkoan gaur hasiko den eta azaroaren 1a arte izanen den erakusketa aitzakitzat hartuta berarekin egon gara. Bere ibilbideaz eta influentzietaz hitz egin dugu ere. Hona hemen kartela: Irkus Robles Irati irratian
Sexu indarkeria eta harremanak landuko dituen hitzaldi zikloa antolatu du Auñamendi Gizarte Zerbitzuen mankomunitateak. Egunerokoan jasotzen ditugun kontuak ardatz hartuta landuko dituzte bi gai hauek Nerea Aguado Alonso komunikazioan lizentziaduna dinamizatzaile lanetan ibiltzen delarik. Gaur honen inguruan solasteko parada hartu dugu Nerearekin egoteko. Hona hemen kartela: Nerea Aguado Alonso Irati irratian
Bihar Agoitzen Euskararen etxearen inaugurazioa izanen da. Aek-ak eta udalaren arteko elkarlanaren poderioz forma hartutako proiektua litzateke eta bertan besteak beste euskaltegiaz aparte familiendako Era txokoa eta gazteendako Gazte txokoa izanen ditu. Hau guztiaz Idoia Zabaltza Euskara Teknikariarekin hitz egin dugu. Hona hemen kartela: Idoia Zabaltza Irati irratian
Zaraitzun ematen ari diren eskola bera Aezkoan egiten saiatuko dira. Joseba Jauregi lagunak bere proiektu propioa garatzen dabil eta honetako bat formakuntzak ematea litzateke. Asmo horrekin aurkeztu zen Aezkoako Batzarre Nagusian ikastaro bat egin nahi zuela, zura lantzeko eskola helburu. Gaur honetaz solastu zaigu Joseba. Hona hemen kartela: Joseba Jauregi Irati irratian
Urtaro bakoitzean eskaintza formatiboa aurkezten du Gupirinioa dinamizazio taldeak. Udazken honetarako hiru formakuntza ikastaro eginen dituzte, estreinakoz Artzin izanen direlarik. Oraingo honetan Narratiba komunitarioa, Photoshop eta marka diseinua eta Funtsezko trebetasun pertsonalak izanen dira landuko diren kontuak. Honen inguruan solasteko beti prest dagoen Ainhoa Elizalde Gupirinioako kidea izan dugu gurean. Izena emateko: GUPIRINIOA-ZERBITZUAK Hona hemen […]
Pirinioa eta bere historia landuko dituen kongresua antolatu dute Nabarralde fundazioak eta Auritzeko udalak. Egitarau oparoa antolatu dute goizeko 9etatik hasi eta arratsaldeko 18ak bitarte iraunen duen kongresu honetan. Askotariko hizlari eta gaiak landuko dituzte kongresu honetan. Honen inguruan Nabarraldeko kide den Anjel Alcalde lagunarekin solastu gara gaurkoan. Informazioa eta izen ematea: NABARRALDE AURITZEKO KONGRESUA […]