Atzo 12etan zuten hitzordua eta Pirinioetako Osasun arloko langileek bat egin zuten Gazan su etena ezartzeko aldarriarekin. Kontsultategietako ateetan elkarretaratzeak eginez egin zuten bat horrekin Izaban, Ezkarozen eta Auritzen. Bertan ere aldarrikatu zuten amaitu daitezela eurak bezala besteen bizitzak salbatzeko lanean dihardutenei eginiko erasoak baita hospitale eta osasun eremuetara eginikoak ere.
Arratsaldeko 19:00tan izanen da zita Makusai taldearekin. 4-5 urte elkarrekin dabilen talde honek kanta bilduma bakarra duen arren, eskarmentu handiko musikariak barnebiltzen ditu. Bostkote honek Pop-Rocka darabil bere kantuetan nahiz eta kostatzen zaien bere horretan euren musika sailkatzea. Kontzertua aitzakitzat harturik bertako partaide den Felix Mendia izan dugu gurean. Deialdia: Makusai taldea urtarrilak 20 19:00tan […]
Denboraldia ireki berri dute eta jada asteburu potentea pasa berritan jo dugu Irati Abodi eta Iratiko Etxeetara bertako arduraduna den Amaia Ayerrarekin egotera. Berak azaldu digu zein den estazioko egoera bai zerbitzu eta baita elur aldetik ere. Egia da egoera berrietara egokitzen dabiltzala, batez ere elur falta dagokionean. Amaia Ayarra Irati Irratian
Urtero egiten da aurrekontuen inguruko Batzarrea Aezkoan eta aurten urtarrilaren 18an egitea egokitu da. 2023. urteko diru-sarrerak eta gastuetatik abiatuta eta etorkizuneko erronkei eusteko aurrekontu batzuk ondu dituzte Aezkoako Batzarreko Juntak. Osotara 1.430.000 € jarriko dituzte mahai-gainean hainbat proiektuei aurre-egiteko. Baso-lana, Kultur Ola, turismo alorreko proiektuak,… garrantzi handiko proiektuak eginen dira baita Aezkoa 2030 ekimenarekin […]
Nekazaritza eta Abeltzaintzaren inguruko diru-laguntzen parte nabarmen bat Nekazaritzarako Politika Bateratuan dute oinarri. 2024. urte honetan balio natural handiko sega-belarren inguruko esleipena bat dakar, hala adostu baitute ingurumena zaintzen duten horiek saritzeko asmoz. Berritasun guzti hauek GAN-NIKeko kidea den Silvia Zabalza Armendarizek azaltzen dabil hainbat hitzaldi emanez. Bihar (urtarrilak 19) Ariben, astelehenean (urtarrilak 22) Ezkarozen […]
Bigarren buelta bat egitea adostu genuen Gartxot Eguna heltzear zela eta hala egin dugu. Beste behin, Itzaltzura gerturatu gara Gartxot Eguneko azken berriak jasotzera. Jada dena bidean dute Gartxot Ekimeneko kideek, herri bazkarirako 200 txartel salduta dituztelarik, hots, dena salduta dutelarik, hala adierazi baitigu ekimeneko kidea den Maite Aranburu Agirrek. Asteburu potentea dator, ekimen aunitz […]
Korrikaren 23. edizioa martxoaren 14an hasiko da Irundik abiatuta HARRO HERRI lemapean. Gure zonaldea martxoaren 15 eta 16an zeharkatuko du baina hori gertatu baino lehen berotzen joateko Korrika Batzordeek zenbait ekimen antolatu dituzte, horien artean asteburu honetan izanen ditugun Korrika aurkezpenak. Aurkezpen hauek ostiralean (urtarrilak 19) Agoitzen arratsaldeko 20:00 tan Angiluerrekan eta larunbatean (urtarrilak 20) […]
Akordioa aitzakitzat hartuta jo dugu Larra Belagua eski estaziora, Julen Garjon bertako zuzendariarekin egotera. Berak azaldu digu zertan datzan akordio honek ahalbidetzen duena, La Rabassa estazioa ezagutzeko aukera ematen die denboraldiko pasea duten horiei. Bestalde, etorkizun hurbilean diren ekimenak ere errepasatu ditugu bere laguntzaz. Informazio guztia duzue Larra-Belagua estazioaren webgunean Julen Garjon Irati Irratian
Gaur asteburuko eguraldiarekin hasi gara David de Andresen kolaborazioarekin. Pasa den asteko elurrek nolatan ihes egin duten aste hasiera honetako euri eta hego-haizearekin. Horren ondotik, aste hasierako eguraldi iragarpena eman digu. David de Andres Irati irratian
Hilabete bat boletoak saltzen egon ostean iritsi da momentua Irati Irratiko Zozketa burutzeko. 2400 boleto saldu dira eta oro har toki anitzetatik heldu zaizkigu ekarpenak, zeinak 21 sari eder gauzatzeko adina gauza eman dizkiguten. Jarraian jartzen dizkizuegun irudietan topatuko dituzue saritutako zenbakiak eta kolaboratzaileen zerrenda. Milesker guztioi, datorren urtean gehiago!