Gaur berriz izan gara Mari Mar Agos gure liburuzain maitearekin. Bergogoratu egin digu ekainaren 15ean hasiko dela udako ordutegiarekin eta bide batez “Mi Pueblo lee” egitasmotik azken ordukoa komentatu digu.
Kultura japoniarretik asko edandakoa dugu Josu Jimenez Maia Olaldeako bizilaguna. Azken honetan pasa den asteburuan Ziburuko disko eta liburu azokan aurkeztutako Zuihitsua, idazlumari jarraiki bere azken lanarekin etorri zaigu. Gaur, Iruñeako Karrikiri elkartean aurkeztuko du bere saiakera liburua arratsaldeko 19tan eta honengatik berarekin egoteko aukera ez dugu galdu.
Bi urteren etenaren ondoren hemen dugu berriz ere Erronkariko Gaztaren Eguna. Erronkari mapetan kokatzen duen zigilu edo produktu honek hiru egunetako egitaraua izanen duen eguna izanen du. Honen inguruan Erronkariko udaleko Amparo Viñuales izan dugu solasean. Egunaren programazioa
Larunbata honetan izanen ditugu Oihane eta Haizea Arana, Aner Peritz eta Leire Vargas eRRe emankizunarekin Auritzen taula gainean. Bertsoa bidelagun ertzetatik datozen lau lagun hauek kontraesanetan jarriko dute atentzioa eta umoretik eginen diote kritika kontraesan horiei. Gaur honetaz solasteko eRRe antzezlanean ariko den Leire Vargas izan dugu. Bonuak eskuratzeko edo informazio gehigarria jasotzeko 667 974106 […]
2022. urte honetan 100 urte betetzen dira Orbaitzetako frontoia eraiki zenetik. Mendeurrena ospatzeko larunbatean zenbait ekimen antolatu dituzte Orbaitzetan. Goizean zehar Lohizune Amatriak prestatutako erakusketa bat ipiniko da, mendeurren honek eman duenarekin. Ondoren, frontoia izanik Pilota partiduak ez dira faltako. Honen inguruan, Lohizune Amatriarekin solastu gara gaurkoan.
2019. urtean 3000km egin zituzten bizikletaz Iberiar Penintsulan zehar, agroekologia eta elikadura subirautza proiektuak lotzen. Honen inguruko egunerokoa eraman zuten eta jendearen eskakizunei erantzunez erabaki zuten proiektua liburu bilakatzea. Liburua Biela y Tierra dugu eta proiektuaren laburpen bat da, zeina gaur Jaurrietan aurkeztuko duten Pirimakume emakume sareak gonbidatuta. Honen inguruan Ana Santidrian eta Edurne Caballerorekin […]
Nafar Gobernuak Pirinioko Planaren baitan diru-laguntza deialdia luzatu du ekintzaile eta mikro-enpresei zuzendurikoa. Osotara 940000 euro inbertituko dituzte diru-laguntzaren bueltan eta honen nondik norakoak azaltzeko bi informazio bilkura eginen dituzte, ekainaren 8an Ariben arratsaldeko 17:30tan eta ekainaren 14an Espartzako Mukurzuria kanpinan goizeko 11 etan. Hau guztiaz solastu gara Naia Sanchez Gupirinioko kidearekin. Informazio gehiago: GUPIRINIOA […]
Ainariak direla edota mugakide diren eremuak izanik historian zehar harreman estua izan dute Maulek eta Erronkariko ibaxa. Harreman hori sendotzeko eta elkarlana sustatzeko Maulek senidetze ekimena jarri zuen abian eta larunbat honetan izenpetu eginen da senidetze ofiziala festa baten bueltan. Honetaz solasteko Burgiko zinegotzia den Ainhoa Elizalde izan dugu gurean.
Gaur Xanti Begiristainen txanda izan da eta berriz ere Auzolotsez mintzo behar izan da. Gaurkoan Ezbeharra izenburudun auzolotsa ekarri digu. Entzun!
Ainariak institutuko irakasle batzuk abian jarri zuten elkartasun kanpaina Aimar Galanekiko. Behar bereziak dituen gaztea dugu AImar, Gardeko bizilaguna bera eta DBH 4. mailako ikaslea. Kanpainaren helburua Aimarrendako egokituta legokeen txirrinda elektrikoa eskuratzea zen eta hauek duten prezioak ikusita jarri ziren martxan. Kanpaina Crowdfunding bidez ere egin zuten eta apenas 3 egunetan lortu zuten behar […]