Gaur itzuli gara Xanti Begiristain Madotz lagunaren auzolotsei bide ematera. Gaurko kolaborazioan kontatu digu nolatan izan ohi ziren Iruñeko udalak Baionako auzapezei egiten zizkien harrerak. Xanti Begiristain Irati Irratian:
Errotaberri tabernak larunbat honetarako musika dosi bikoitza eskainiko dio bertaratzen direnei. Bertan plaza askotan jotako Matame Kamion eta “Pain” izeneko bere bigarren diska aurkeztuko duen Ajariguan taldeek hartuko dute oholtza. Kontzertua 19tan izanen da eta zuzeneko potente bat izanen delakoan gaude. Hau aitzakitzat harturik Ajariguan taldeko abeslaria den Sergio De Andres izan dugu gurean. […]
1980an desagerrarazi zuten Jose Miguel Etxeberria Naparra Batallon Vasco Españolekoek. Ez geroztik ez da bere gorpua aurkitu eta egiaren ezagupenaren eta memoriaren bidean lanean darraite euren senide eta lagunek. Kasua oihartzuna hartu zuen Europan Giza Eskubideen alorreko batzordeak artatu baitzituzten senideak 2014an Naparraren kasua ezagutzeko. Bide osoa barnebiltzen du Bolante Baten Historia dokumentalak eta Auñamendi […]
Itzuli gara gaurkoan David de Andresekin egotera. Gaur asteburuko eguraldiaz solasean hasi gara, Juan deritzon borraskaz eta honek sortarazi duen eguraldi nahasia. Ondoren, aste hasiera honetan izanen dugun eguraldia izan dugu hizketagai bere iragarpenaren baitan. David de Andres Irati irratian
Irratian lan egiten ibili ostean gaur kolaboratzaile gisara itzuli zaigu Ainhoa Elizalde Ojer. Gaurko artikuluan zenbaitek salmentak areagotzeko bertako edo tokiko izendegiak erabiltzearen inguruko kritika egin izan du, haien irabaziek bertan geratzen ez direlarik, kontsumo kontziente baten aldeko aldarria botaz. Testua irakurtzeko Enpresabideako webgunean duzue aukera Ainhoa Elizalde Ojer Irati Irratian:
Pasa den ostegunean batu ziren zenbait sindikatuen kideak Parlamentu aurrean Hezkuntzan duten egoera salatzeko asmoz. Ratioen jeitsiera, eros-ahalmenaren berreskuratzea, izan ohi duten gehiegizko lan zama gutxitzea eta euren lanpostuen egonkortasuna izan ziren eskaera nagusiak. Elkarretaratze honetan ANPE, Afapna, CCOO, UGT, LAB eta Steilas izan ziren eta honezkero erdietsi zuten Gimeno kontseilariarekin bilkura, gaur urtarrilaren 22an […]
Atzo 12etan zuten hitzordua eta Pirinioetako Osasun arloko langileek bat egin zuten Gazan su etena ezartzeko aldarriarekin. Kontsultategietako ateetan elkarretaratzeak eginez egin zuten bat horrekin Izaban, Ezkarozen eta Auritzen. Bertan ere aldarrikatu zuten amaitu daitezela eurak bezala besteen bizitzak salbatzeko lanean dihardutenei eginiko erasoak baita hospitale eta osasun eremuetara eginikoak ere.
Arratsaldeko 19:00tan izanen da zita Makusai taldearekin. 4-5 urte elkarrekin dabilen talde honek kanta bilduma bakarra duen arren, eskarmentu handiko musikariak barnebiltzen ditu. Bostkote honek Pop-Rocka darabil bere kantuetan nahiz eta kostatzen zaien bere horretan euren musika sailkatzea. Kontzertua aitzakitzat harturik bertako partaide den Felix Mendia izan dugu gurean. Deialdia: Makusai taldea urtarrilak 20 19:00tan […]
Denboraldia ireki berri dute eta jada asteburu potentea pasa berritan jo dugu Irati Abodi eta Iratiko Etxeetara bertako arduraduna den Amaia Ayerrarekin egotera. Berak azaldu digu zein den estazioko egoera bai zerbitzu eta baita elur aldetik ere. Egia da egoera berrietara egokitzen dabiltzala, batez ere elur falta dagokionean. Amaia Ayarra Irati Irratian
Urtero egiten da aurrekontuen inguruko Batzarrea Aezkoan eta aurten urtarrilaren 18an egitea egokitu da. 2023. urteko diru-sarrerak eta gastuetatik abiatuta eta etorkizuneko erronkei eusteko aurrekontu batzuk ondu dituzte Aezkoako Batzarreko Juntak. Osotara 1.430.000 € jarriko dituzte mahai-gainean hainbat proiektuei aurre-egiteko. Baso-lana, Kultur Ola, turismo alorreko proiektuak,… garrantzi handiko proiektuak eginen dira baita Aezkoa 2030 ekimenarekin […]