Aizpea eta Zatoia ezgautzen joateko bigarren geldialdia. Geldialdi honek Iparraldera garamatza, Donamartiri herrira zehazki. Bertan artatu gaitu Joëlle Darricau lagunak eta berarekin batera ezagutu ditugu Isturitz eta Otsozelaia leizeak eta bertan topatutako aurkikuntzak. Isturitz inguruko informazioa: Isturitzeko kobazuloen webgunea Joëlle Darricau Irati irratian
Aurten ere Kutxa Ekoguneak eta Euskaltzaleen Topaguneak elkarlanean Euskararen Ginkana dakarte. 7. edizioa izanen da eta euskararen hauspoa izan nahiean sortu zen egitasmoa. Honetaz solasteko ekimeneko koordinatzaile eta Topaguneako kide den Itxaso Paia izan dugu irratian. Animatu zaitezte zuen taldeak egitera! Informazio gehiago: Euskararen Ginkana Itxaso Paia Irati irratian
Ugaritu egin dira energia berriztagarrien inguruko proiektuak eta honekin batera kezka sortu da biztanleriarengan. Honen inguruan lanean dihardu Sustrai Erakuntza eta atzokoan Katakraken aurkeztu zuten honen inguruko informe bat. Txosten honen eta egoera orrokorraren inguruan aritu gara Pablo Lorente lagunarekin. Informazio gehiago: Sustrai erakuntzako web orrian Pablo Lorente Irati irratian
Edadeko jendearen ongizateaz eta ahalduntzeaz arduratzen den Eutsi kooperatibako Aritz Carballorekin izan gara gaurko saioan. Osasun krisiak baldintzatu duela euren jarduna aitortu digu Aritzek, hala eta guztiz ere lortu dute zerbitzua mantendu eta bide batez proiektu berriak eraiki. Horietako bat litzateke arrakala digitala deuseztatzeko abian jarri berri dutena. Aritz Carballo Irati irratian
Bi astetan behin izan ohi dugu Xanti Begiristainekin zita. Gaurkoan Manex gixajoaren 54. istorioa ekarri digu, Manex eta intxaurrak izenburua duena. Ematen du zoria aldatu egin zaiola, ikusiko da zenbat irauten dion. Xanti Begiristain Irati irratian.
Xukuneatik aldendu ahala du izenburua proiektua zeina proiektu honekin irabazi duen Eneko Barberenak 2021eko Baztango udalak eta Txalaparta editorialak ematen duen (H)ilbeltza beka. Proiektu berriaren inguruan aritu gara gaurkoan berarekin eta aipatu digunagatik Orbara,Orbaitzeta, Aria eta Garralda arteko leku batean kokatuta egonen da bere eleberria. Urte bete dauka burutzeko eta momentu honetan ideiak hartzen dabilela […]
Nafarroan eguneroko ogia bilakatu da euskarafobiaren inguruko ika-mikak. Azkenetarikoa, zeladore oposaketetan sindikatu batzuen helegitearen ondorioz egondako euskararn bazterketa. Lehendabiziko oposaketak zeladoreenak izan dira zeinetan alemaniera, ingelesa eta frantsesa baloratu den, euskara ez ordea. Arazo honen inguruan zeladore lanetan diharduen Maxi Valencia lagunarekin izan gara gaurkoan. Iosu Eseberri Irati irratian
Pandemiaren hirugarren olatuan gauden honetan asteartean neurri berriak iragarri zituen Nafar Gobernuak. Horrek suposatuko duena ikertu dugu ostalaritzaren ikuspegitik Iosu Eseberrik lagunduta. Terrazak baimentzen badira ere zonaldean ostatuen itxierak ekarriko dituela gaineratu du. Neurri berriei erantzuteko eta sektorearen erreskate bat eskatu nahiean mobilizazioak deitu dituzte, baita zonaldean ere. Iosu Eseberri Irati irratian
Esan genuen bezala Aizpea eta Zatoiako kobazuloetan egondakoa eta topatutakoa ulertzeko elkarrizketa saio batzuk eginen genituela. Horietatik lehendabizikoa dugu hauxe eta garai bertsuko kobazulo bat ezagutzera eraman gaitu Praileaitzekoa alegia. Hau ezagutzeko ezinbesteko laguntza izan dugu Xabier Peñalverren eskutik eta zenbat gauza interesgarri azaldu dizkigun. Praileaitz inguruko informazioa: Praileaitz wikipedian Xabier Peñalver Irati irratian
Ohiko kolaborazioei eutsi diogu 2021. urte honetan eta gaurkoan lehen aldiz izan gara Xanti Begiristainekin. Gaurkoan Manex gixajoaren 53. istorioa ekarri digu, Manex eta Gaztak izenburua duena. Xanti Begiristain Irati irratian.